Sunday, 29 November 2015

बिहारची प्रस्तावित दारूबंदी : महाराष्ट्राच्या शेतकरी आत्महत्याग्रस्त विदर्भ व मराठवाड्याचा १४ जिल्ह्यात दारूबंदी करा- शेतकरी मिशनची मागणी



बिहारची प्रस्तावित दारूबंदी : महाराष्ट्राच्या शेतकरी आत्महत्याग्रस्त विदर्भ व मराठवाड्याचा १४  जिल्ह्यात दारूबंदी करा- शेतकरी  मिशनची मागणी    


दिनांक -३० नोहेंबर २०१५
बिहार सरकारने येत्या १ एप्रिल पासुन बिहारमध्ये सम्पूर्ण दारूबंदी केलेली घोषणा हा एक क्रांतीकारी निर्णय असुन महाराष्ट्र सारख्या पुरोगामी राज्याने  कोणतीही आर्थिक वा महसूल तुटीची चिंता न करता महाराष्ट्राच्या शेतकरी आत्महत्याग्रस्त विदर्भ व मराठवाड्याचा १४  जिल्ह्यात तात्काळ दारूबंदी करावी अशी मागणी  महाराष्ट्र सरकारने शेतकरी आत्महत्या रोखण्यासाठी नव्याने नियुक्त केलेल्या वसंतराव नाईक  शेतकरी स्वालम्बन मिशनचे अध्यक्ष व यवतमाळ जिल्ह्यात  दारूबंदी  करण्यात यावी यासाठी २०१० पासुन सतत जन आंदोलन    करणारे शेतकरी नेते किशोर तिवारी यांनी  मुख्यमंत्री व कृषीमंत्री यांना एका निवेदनाद्वारे केली आहे .  

आपल्या निबेद्नात किशोर तिवारी यांनी जेष्ठ समाजसेवक डॉ . अभय आणि राणी बंग यांच्या जाहीर मागणीचा हवाला देत ,आपण मागील दोन वर्षात ग्रामीण भागात जनतेच्या भावनाचा अभ्यास केल्यावर अती अडचणीत असलेल्या शेतकऱ्यांना समाज व सरकारशी संवाद न होण्यासाठी दारू हेच प्रमुख असल्याचे सत्य समोर आले आहे . शेतकरी आत्महत्याग्रस्त विदर्भ व मराठवाड्याचा १४  जिल्ह्यातील महिलांनी आपल्या खेड्यात दारूबंदी केली आहे मात्र तालुक्याच्या ठिकाणी व लगतच्या मोठ्या गावात सरकारी दारूच्या दुकानामुळे ही खेड्यातील  दारूबंदी निकामी झाली आहे य़ा दारूच्या महापुरला सरकारी अधिकारी ,पोलीस व आबकारी विभागाची जास्तीत जास्त दारू विका व सरकारला महसूल दया हे धोरणच जबाबदार असल्याची टीका सुद्धा तिवारी यांनी केले आहे . सरकारच्या तिजोरीला जर या दारूबंदीमुळे तोटा होत असेल तर सरकारने दारूमुक्ती कर सुरु  करावा अशी सूचनाही ,तिवारी यांनी केली आहे . 

       महाराष्ट्राच्या युती सरकारने नुकताच  मागील हिवाळी  विधीमंडळाच्या सत्रामध्ये पटलावर ठेवलेल्या   महाराष्ट्राच्या समतोल प्रादेशिक विकासाच्या प्रश्नांवरील अभ्यासासाठी डॉ.विजय केळकर यांच्या अध्यक्षतेखाली उच्चस्तरीय समितीचा  अहवालात  सुद्धा   शेतकरी आत्महत्याग्रस्त जिल्ह्यात तात्काळ दारूबंदीची शिफारस केली असून ग्रामीण भागातील प्रचंड अडचणी ,आर्थिक संकट व अभुतपूर्व  कृषी संकट यावर केळकर समितीने दारूबंदीच्या प्रस्ताव सरकारला दिला असल्याची आठवणही तिवारी यांनी करून दिली . 
३० जोनेवारी २०११ला यवतमाळ जिल्यातील हजारो महिलांनी जिल्यात संपुर्ण दारूबंदीसाठी  पांढरकवडा येथे मेळावा तर २०१२ मध्ये मार्च महिन्यात यवतमाळ येथे जिल्हाधिकारी कार्यालयासमोर धरणे देऊन आपली मागणी  रेटून धरली होती व तत्कालीन जिल्हाधिकारी संजय देशमुख यांनी यवतमाळ जिल्ह्यात दारूबंदीची शिफारस केली होती व आता त्यामुळे शासनाने यवतमाळ जिल्ह्यात मद्यविक्री व मद्यपान यावर बंदी घालण्याचे धोरण स्वीकारले पाहिजे, अशी शिफारस करताना केळकर समितीने करून सरकारने यवतमाळ जिल्हा मद्यमुक्त घोषित करण्याची अपेक्षा व्यक्त केली आहे, महाराष्ट्राच्या मुख्यमंत्री देवेंद्र फडणवीस ,सुधीर मुंगणटीवार यांनी विरोधीपक्षात असतांना  जिल्यात संपुर्ण दारूबंदीच्या मागणीला पाठींबा दिला होता आता त्यांनी तात्काळ संपुर्ण दारूबंदी लागु करावी अशी विनंती किशोर  तिवारी यांनी केली आहे . 
संपूर्ण यवतमाळ जिल्यात महिलांनी संपुर्ण दारूबंदीसाठी आंदोलन सुरु  केले  असून  आता महसूल मंत्री एकनाथराव खडसे यांनी सुद्धा यवतमाळ व बुलढाणा या जिल्ह्यात दारूबंदी करण्याचे सुतोवात केल्यामुळे सरकारने वर्धा ,चंद्रपूर व गडचिरोली येथील दारूबंदीच्या लगतच्या  जिल्हातून सरकारी यंत्रणेच्या आशीर्वादाने होत असलेल्या दारूच्या महापुराचा अनुभव लक्षात घेता संपूर्ण राज्यात केरळाप्रमाणे सर्व पक्ष ,सर्व धर्म व समाज -सरकार यांच्या सहकार्याने  दारूबंदी करणे काळाची गरज आहे कारण तरुण पिढीत व्यसनाधिनतेचे प्रमाण वाढत आहे. मुले दारूच्या आहारी जात आहे. दारूमुळे सुखी संसाराची रांगोळी होत आहे. सहज उपलब्ध होणारी कमी पैशातील दारू हे यामागील प्रमुख कारण आहे. पोलीस व प्रशासनाने संरक्षण दिल्याने गावागावात दारूच्या भट्टय़ा पेटविल्या जात आहे. या दारूच्या विरोधात गावागावातील महिलांनी आक्रमक भूमिका घेतली आहे. परंतु ज्यांनी कारवाई करायची त्यांचेच छुपे पाठबळ असल्याने न्याय कुणाकडे मागावा असा प्रश्न महिलांपुढे निर्माण झाला आहे. अखेर या महिला रस्त्यावर उतरल्या आहेत. त्यांनी जिल्हाधिकारी, पोलीस अधीक्षक कार्यालयावर मोर्चे काढले आहेत. काही ठिकाणी तर महिलांनी स्वत:च दारूच्या भट्टय़ा नेस्तानाबूत केल्या. दारूचे हे साहित्य ट्रॅक्टरमध्ये टाकून जिल्हा पोलीस अधीक्षक कार्यालयावर धडक दिली. दारूविरुद्ध आंदोलन करणार्‍या या महिलांना दारू माफियांकडून धमक्याही दिल्या गेल्या. काही ठिकाणी हल्लेही केले गेले,हि शोकांतिका किशोर तिवारी  तिवारी यांनी मुख्यमंत्रा समोर ठेवली आहे

No comments:

Post a Comment