Sunday, 22 March 2015

'किसानोसे मन की बात' या कार्यक्रमात पंतप्रधान मोदीना पडला महाराष्ट्राच्या आत्महत्याग्रस्त शेतकऱ्यांचा विसर

'किसानोसे मन की बात' या कार्यक्रमात पंतप्रधान मोदीना पडला महाराष्ट्राच्या आत्महत्याग्रस्त शेतकऱ्यांचा विसर  
दिनांक -२२ मार्च २०१५

आकाशवाणी आणि दूरदर्शनवरून प्रसारित करण्यात आलेल्या 'मन की बात' या कार्यक्रमात पंतप्रधान मोदी यांनी मागील वर्षात महाराष्ट्रात झालेल्या अभुतपुर्व  शेतकऱ्यांच्या  आत्महत्या व यावर्षी महाराष्ट्र सरकारने एकूण ३९ हजार ४५३ गावांपैकी २४ हजार ८११ गावे म्हणजे जवळपास ६० टक्के गावांमध्ये पूर्णत: खरीप पीक नष्ट झाल्यामुळे दुष्काळग्रस्त जाहीर केले आहेत व आता गारपिटीने उरले रब्बीचे पिक नष्ट  यामुळे ९०  लाख शेतकरी गंभीर दुष्काळाच्या प्रभावात उपासमारीला तोंड देत असतांना यावर एक शब्द न उच्चारल्यामुळे शेतकऱ्यांची उरली सुरली आशाही आता संपली आहे  या उलट भूसंपादन कायदा दुरुस्ती विधेयक शेतकऱ्यांचा हिताचा असून  केंद्र सरकार शेतक-यांच्या हितासाठीच काम करत आहे म्हणत शेतक-यांच्या समस्यांची आम्हाला जाणीव आहे असा दिलेला निरोप म्हणजे शेतकऱ्यांच्या जखमेवर मीठ झोळण्याचा प्रकार असल्याचे तिवारी यांनी म्हटले आहे . 
भूसंपादन कायदा दुरुस्ती विधेयक राज्यसभेत पुन्हा येत असतांना व राज्यसभेचे अधिवेशन सुरु असतांना मोदी यांनी सरकारी माध्यमांचा वापर करून आपल्या राजेशाही कारभाराचा परिचय दिला असुन हा राज्यसभेचा उपमान व भारताच्या लोकशाहीच्या परंपरेला चुकीच्या मार्गावर नेण्याचा प्रकार असल्याची टीकाही ,तिवारी यांनी केली आहे . 
मागील वर्षी मार्च महिन्यात मोदी यांनी सर्वात जास्त शेतकरी आत्महत्या झालेल्या यवतमाळ येथील दाभाडी खेड्यातुन संपूर्ण भारताच्या शेतकऱ्यांशी 'चाय पर चर्चा ' केली होती व शेतकऱ्यांच्या शेतीमालाला लागवड अधिक ५० टक्के नफा असा हमीभाव देऊ तसेच महाराष्ट्रातील शेतकऱ्यांचे पीककर्ज माफ केले जाईल असे जाहीर अभिवचन दिले होते व आज आकाशवाणी आणि दूरदर्शनवरून प्रसारित करण्यात आलेल्या 'मन की बात' या कार्यक्रमात पंतप्रधान मोदी  यावर घोषणा करतील अशी महाराष्ट्राच्या शेतकऱ्यांनी धरली होती मात्र मोदी यांनी यावर चुप्पी साधल्याने सततची नापिकी, कर्जबाजारीपणा आणि पारिवारिक चिंता या कारणांमुळे पश्‍चिम विदर्भाच्या सहा जिल्ह्यातील सुमारे साडेचार लाख शेतकरी सर्वाधीक दु:खी असून, मानसिक तणावाखाली आहेत. ४ लाख ३४ हजार २९१ शेतकरी मोठ्या निराशेत गेले आहेत . शेतकर्‍यांना वाचविण्यासाठी सरकारने  सर्व महाराष्ट्राच्या दुष्काळग्रस्तांना अंत्योदय अन्न सुविधा, आरोग्य, रोजगार सुरक्षा, पीक कर्ज माफी द्यावी अशी मागणी सतत होत आहे  मात्र त्याला सुद्धा सरकार याला  पाने पुसत असल्याने शेतकरी मोठ्या प्रमाणात करीत असलल्याचा आरोप तिवारी यांनी केला  आहे. 


No comments:

Post a Comment