Tuesday, 10 March 2015

मुख्यमंत्र्याच्या 'विदर्भ -मराठवाड्याच्या ' दिलासा दौरा नंतरही १० शेतकऱ्यांच्या आत्महत्या :'दुष्काळमुक्त महाराष्ट्राचे ' आश्वासनावर तणावग्र्सताना विश्वास नाही


मुख्यमंत्र्याच्या 'विदर्भ -मराठवाड्याच्या ' दिलासा दौरा नंतरही  १० शेतकऱ्यांच्या आत्महत्या :'दुष्काळमुक्त महाराष्ट्राचे ' आश्वासनावर तणावग्रस्त शेतकऱ्यांचा विश्वास नाही  
दिनाक -११ मार्च २०१५
मुख्यमंत्री देवेंद्र फडणवीस यांनी मागील आठवड्यात शेतकरी आत्महत्याग्रस्त विदर्भ मराठवाड्याचा दिलासा दौरा करीत आत्महत्याग्रस्त शेतकरी कुटुंबीयांशी वार्तालाप करीत चक्क खेड्यात शेतकऱ्याच्या घरी मुक्काम करून शेतकऱ्यांची जमीन, आर्थिक स्थिती, पीक घेण्याची पद्धती, त्यांच्या कुटुंब प्रमुखाला आलेले नैराश्य या सर्व बाबींचा आम्ही योजना तयार केल्या आहेत यामुळे दरवर्षी पाच हजार गावांतील दुष्काळ कायमचा दूर करण्याचे नियोजन हे आश्वासन दुष्काळग्रस्त व कर्ज -नापीकीला  तोंड देत असलेल्या शेतकऱ्यांना दिलासा देण्यास अपयशी ठरले असून मागील तीन दिवसात विदर्भ मराठवाड्याचा दहा शेतकऱ्यांनी होळी सारख्या सना धामधुमीत आत्महत्या केल्याचे वृत्त समोर आले असून ज्या यवतमाळ जिल्यात  मुख्यमंत्री देवेंद्र फडणवीस यांनी रात्रीचा मुक्काम केला येथे व सर्वात जास्त दुष्काळाचा फटका बसलेल्या विधान परिषदेच्या विरोधी पक्ष नेते धनंजय मुंडे यांच्या बीड जिल्यात प्रत्येकी तीन वाशीम ,अकोला ,वर्धा व अमरावती येथील एका कर्जबाजारी शेतकऱ्यांचा समावेश असून यावर्षी  विदर्भात १२८ तर मराठवाड्यात १०२ शेतकऱ्यांनी आत्महत्या  केल्यामुळे सरकारच्या ४ हजार कोटी मदतीचे दावे फक्त कागदावर दिसत असल्याचा गंभीर आरोप शेतकरी नेते विदर्भ जनआंदोलन समितीचे संयोजक किशोर तिवारी यांनी एकापत्रकाद्वारे केली आहे.
.
ज्या अधिकाऱ्यांनी २००५ पासुन पैकेज बाजार मांडून हजारो कोटी रुपये नेत्यांना व कंत्राटदारांना लुटण्यास दिले होते तेच मस्तवाल अधिकारी आता सरकारला दुष्काळमुक्तीचा मार्ग सांगत असून मात्र  लोकसभानिवडणुकीत पंतप्रधान नरेंद्र मोदी यांनी शेतकरी आत्महत्या या शेतीमालाला भाव मिळत नसल्यामुळे शेतकऱ्यांच्या तोट्याच्या शेतीमुळे होत असल्याचे मान्य केले होते. एवढेच नव्हे, तर गुंतवणूक अधिक ५० टक्के नफाया सूत्राने कृषिमालास आधारभूत किंमत सर्व शेतकऱ्यांना नवीन कर्ज देऊ, ही दोन्ही आश्वासने मुख्यमंत्री देवेंद्र फडणवीस यांना का  आठवत नाही असा सवालही ,तिवारी यांनी केला आहे .  
राज्यातील सर्व दुष्काळग्रस्तांना आज उपासमारीला तोंड द्यावे लागत आहे ,पिक कर्ज डोक्यावर आहे त्यातच कोणताही रोजगार असल्यामुळे त्यांची दैनावस्था झाली असून त्यांना  अंत्योदय अन्न सुविधा, आरोग्य-रोजगार सुरक्षा, पीक कर्जमाफी द्यावी अशी आत्महत्याग्रस्त शेतकऱ्यांची त्यांना आर्त हाक आहे मात्र सरकार २०१९ मध्ये दुष्काळमुक्तीचा मार्ग दाखवत आहे तरी महाराष्ट्र सरकारने  तेलंगणा व  उत्तर प्रदेश सरकारने शेतकऱ्यांना पीक कर्जमाफी दिली. वा दिल्लीकरांना आप पार्टी वीज बिलात माफी दिली  आहे. तशाच पद्धतीने  दिलासा द्यावा, अशी मागणी किशोर तिवारी यांनी केलीआहे.

यावर्षी राज्य सरकारने एकूण ३९ हजार ४५३ गावांपैकी २४ हजार ८११ गावेदुष्काळग्रस्त जाहीर केली आहेत. जवळपास ६० टक्के गावांमध्ये खरीप पीकनष्ट झाल्यामुळे ही गावे दुष्काळग्रस्त जाहीर करण्यात आली आहेत. यामुळे९० लाख शेतकरी गंभीर दुष्काळाच्या प्रभावात आहेत. दरम्यान, केंद्रसरकारने आपल्या अर्थसंकल्पात कुठलीच तरतूद न केल्याने आता राज्याच्या अर्थसंकल्पात तरी येथील सरकारने शेतकऱ्यांसाठी भरीव तरतूद करावी, अशी अपेक्षा आहे. यंदा निसर्गाच्या प्रकोपामुळे शेतकऱ्यांचा हाता तोंडाशीआलेला घास हिरावला आहे. त्यामुळे शेतकरी हवालदिला झाला असून त्याला तात्काळ  मदत देण्याची गरज आहे.

No comments:

Post a Comment