Thursday, 10 July 2014

दुबार-तिबार पेरणीच्या संकटाने विदर्भात मागील २४ तासात तीन शेतकऱ्यांच्या आत्महत्या - बियाणे - खतासाठी मदत व पीककर्ज वाटप करा या मागणीसाठी १२ जुलैला शेतकऱ्यांचे उपोषण

दुबार-तिबार पेरणीच्या संकटाने विदर्भात मागील २४ तासात तीन शेतकऱ्यांच्या आत्महत्या - बियाणे - खतासाठी मदत व पीककर्ज वाटप करा या मागणीसाठी  १२ जुलैला  शेतकऱ्यांचे उपोषण 
११ जुलै २०१४
दुबार-तिबार पेरणीच्या संकटाने हवालदिल झालेले कर्जबाजारी शेतकरी   सरकारच्या उदासीन धोरणामुळे आता आत्महत्या करीत असुन विदर्भात मागील २४ तासात  तीन शेतकऱ्यांनी गळफास लाऊन आत्महत्या केल्या असुन जर सरकारी मदत - बियाणे व नवीन पिक कर्ज मिळाले नाहीतर शेतकऱ्यांच्या  शेतकऱ्यांच्या आत्महत्या लोण सर्व विदर्भात पसरण्याची भीती  विदर्भ जन आंदोलन समितीचे नेते किशोर तिवारी यांनी व्यक्त केली   आहे. बियाणे - खतासाठी मदत व पीककर्ज वाटप करा या मागणीसाठी  १२ जुलैला पांढरकवडा येथे शेकडो शेतकरी सरकारचे लक्ष या संकटाकडे  ओढण्याकरिता व  मदतीसाठी उपोषण सत्याग्रह करीत असुन सरकारने आमची हाक ऐकावी अशी विनंतीही तिवारी यांनी केली आहे . 

पांढरकवडा तालुक्यातील (यवतमाळ) वारा -कवठा  या खेड्यातील शेतकरी जयंतराव मिसाळ (४०) या शेतकऱ्याने रात्री दोन वाजता आपली बायको व दोन चिमुकली  मुले झोपली  असतांना  गळफास लावून आत्महत्या केली . जयंतराव मिसाळ ३ एकर  शेतीमध्ये केलेली दुबार पेरणीही वाया गेल्याने तिबार पेरणी बियाणे उधारीवर मिळावे यासाठी आदिलाबाद ,पाटणबोरी व पांढरकवडा येथे सतत आठ दिवस फिरला व कोणीच मदत न दिल्यामुळे आत्महत्येचा मार्गावर गेला . जयंत मिसाळ याने स्टेट बँक व आदिलाबादच्या महेंद्र बँके कडून कर्ज घेतले आहे .  अशीच तिबार पेरणीचीचे  भीषण संकट घाटंजी तालुक्यातील  (यवतमाळ) सायतखर्डा येथील  कोरडवाहु शेतकरी दादाराव नागो  मोरे यांनी केलेली दुबार पेरणी मोडल्याने गळफास लावून आपली जीवनयात्रा कालच संपविली होती . विदर्भातील सर्वच खेड्यात दुबार -तिबार पेरणी होत असुन सरकार मात्र मदतीला सोडा परंतु   साधी विचारपुस करण्यास तयार नाही . पूर्व विदर्भाच्या धान उत्पादक क्षेत्रात सुद्धा दुबार पेरणीचे संकट शेतकऱ्यांना आत्महत्या करावयास लावत असुन दुबार पेरणी करूनही पावसाअभावी पऱ्हे सुकत असल्याने लाखनी तालुक्‍यातील(भंडारा -गोंदिया) डोंगरगाव येथील कर्जबाजारी शेतकऱ्याने गळफास लावून आत्महत्या केली. सोनिराम श्रावण मेश्राम (वय ४२), असे मृताचे नाव आहे. त्यांच्यावर सोसायटीचे 14 हजार रुपयांचे कर्ज आहे. हंगामाशिवाय इतर वेळी मासेमारी करून ते कुटुंबाचा चरितार्थ चालवायचे. शेतात दुबार पेरणी केली; पण पावसाअभावी पुन्हा रोपे नष्ट होत असल्याच्या चिंतेने सोनिराम यांनी मंगळवारी रात्री शेताजवळील मोहाच्या झाडाला गळफास लावून आत्महत्या केली.
विदर्भात ८ लाखावर  शेतकर्‍यांनी केलेली दुबार  पेरणीहि आता  वाया गेली आहे. आता पुन्हा तिबार पेरणी करण्यासारखी त्यांची स्थिती नाही. विदर्भ व मराठवाड्यात सर्व  ठिकाणी शेतकर्‍यांची गंभीर परिस्थिती असताना राज्य व केंद्र सरकारचे त्याकडे दुर्लक्ष होत आहे. दरम्यान, सरकारकडून मदत, मोफत बियाणे आणि खावटी मिळावी, या मागण्यांसाठी १२ जुलै रोजी शेतकरी व शेतकरी विधवा पांढरकवडा येथे उपोषण सत्याग्रह करणार असल्याची माहिती किशोर तिवारी यांनी दिली आहे.
दोन वर्षांपासून विदर्भात दुष्काळ पडत असल्यामुळे शेतकर्‍यांचे मोठय़ा प्रमाणात नुकसान झाले. राज्य सरकार त्यांना तुटपुंजी आर्थिक मदत जाहीर करत असते. मात्र, ती मदत त्यांच्यापर्यंत पोहोचत नसल्याने नैराश्यामुळे शेतकरी आत्महत्या करत आहे. या वेळीसुद्धा तशीच स्थिती निर्माण झाली आहे. जिल्ह्यातील अनेक शेतकरी नैराश्याच्या गर्तेत सापडले आहेत, मात्र त्याकडे सरकारचे लक्ष नाही. जून महिन्यात ६, १४, १७ व२४ तारखेला पावसाने हजेरी लावल्यावर शेतकर्‍यांनी कपाशीची आणि सोयाबीनची सुमारे २० लाख हेक्टर क्षेत्रावर केलेली पेरणी पूर्णत: नष्ट झाली असून, दुबार पेरणीची वेळ आली आहे. त्यामुळे विदर्भ आणि मराठवाड्यावर दुष्काळाचे सावट निर्माण झाले आहे. त्यामुळेच पांढरकवडा येथे मदतीसाठी उपोषण आंदोलन करण्यात येणार आहे. शेतकर्‍यांच्या विधवा उपोषणात सहभागी होणार असल्याचे या वेळी सांगितले

विदर्भ व मराठवाडय़ात दुष्काळ पडला आहे. दुबार पेरणीसाठी २५ हजार हेक्टरप्रमाणे मदत, नवीन पीक कर्ज, अन्न व चारा पाणी यासाठी सरकारशी पाठपुरावा करावा लागणार आहे. कापसाचा व सोयाबीनचा हमीभाव शेती शास्त्रज्ञ स्वामीनाथन यांच्या शिफारशीप्रमाणे कर्ज व ५० टक्के नफा या फार्मुल्याप्रमाणे मोदी सरकारला देणे आवश्यक होते मात्र हि मागणीही केराच्या टोपलीत टाकल्याने शेतकऱ्यांच्या आत्महत्या मोठ्या प्रमाणात वाढणार असुन सरकारने तात्काळ मदत करावी व विदर्भाच्या शेतकऱ्यांना वाचवा अशी मागणी ,तिवारी यांनी केली आहे .

No comments:

Post a Comment