Friday, 23 December 2011

शेतकर्‍यांची घोर निराशा करणारे पॅकेज-तरुण भारत

शेतकर्‍यांची घोर निराशा करणारे पॅकेज-तरुण भारत 




कामकाज तीनदा तहकूब,  विरोधकांचा सभात्याग


प्रतिनिधी

नागपूर, २३ डिसेंबर

कापूस, सोयाबीन आणि धान उत्पादकांची घोर निराशा करणारे शेतकरी पॅकेज आज मुख्यमंत्री पृथ्वीराज चव्हाण यांनी विधिमंडळाच्या दोन्ही सभागृहात घोषित केले.

या पॅकेजनुसार कापसाला दर हेक्टरी चार हजार रु. आणि धान व सोयाबीनचे जेथे २५ टक्क्यांपेक्षा अधिक नुकसान झाले आहे, अशाच शेतकर्‍यांना हेक्टरी दोन हजार रुपयांची आणि तिन्ही पिकांसाठी फक्त दोन हेक्टरपर्यंतच मदत मिळणार आहे. यात सर्वात अन्यायकारक बाब म्हणजे, एखाद्या शेतकर्‍याने तिन्ही पिके घेतली असतील तर त्यापैकी फक्त एकच पीक हे मदतीसाठी पात्र राहणार आहे. तिन्ही पिकांना मदत मिळणार नाही, असे मुख्यमंत्र्यांनी जाहीर केले. किमान मदत ही दर हेक्टरी पाचशे रु. दोन हेक्टरपर्यंत राहणार आहे. मदतीची रक्कम शेतकर्‍याच्या खात्यात जमा होणार आहे.

मुख्यमंत्र्यांनी ही घोषणा करताच विरोधक आणि सत्ताधारी पक्षाच्या आमदारांनीही एकच गदारोळ केला. या गदारोळामुळे कामकाज तीनदा तहकूब करावे लागले आणि मुख्यमंत्री आपल्या निर्णयावर अडून बसल्याचे पाहून विरोधकांनी सभात्याग केला. काही कॉंग्रेस सदस्यांनीही सभात्याग करून आपला असंतोष प्रकट केला.

तत्पूर्वी, धान आणि सोयाबीनसाठी लावलेली अट काढून टाका अशी एकमुखी मागणी दोन्ही बाजूच्या सदस्यांनी लावून धरली. विरोधी पक्षनेते एकनाथ खडसे म्हणाले, हे पॅकेज अन्याय करणारे आहे. सर्व पिकांसाठी एकसारखे निकष लावले पाहिजे आणि दोन हेक्टरची मर्यादा चार हेक्टरपर्यंत वाढविली पाहिजे. हे पॅकेज म्हणजे, राजा उदार झाला आणि हाती भोपळा दिला, असे होऊ नये. किमान दहा हजार रुपये हेक्टरी मदत आपण दिली पाहिजे आणि धान व सोयाबीनची जाचक अट काढून टाकली पाहिजे. सत्ताधारी पक्षही या पॅकेजवर समाधानी नाही, याकडे खडसे यांनी मुख्यमंत्र्यांचे लक्ष वेधले. सुधीर मुनगंटीवार म्हणाले, आज विदर्भ, मराठवाडा आणि खान्देशातील शेतकर्‍यांचे लक्ष या पॅकेजकडे लागले आहे. केवळ मदत करायची म्हणून काही देऊ नका. धान आणि सोयाबीनची अट काढून टाका. नाना पटोले म्हणाले, आज धान आणि सोयाबीनचे पीक उभे नाही. म्हणून २५ टक्क्यांची अट काढून टाका. शेतकर्‍यांना पॅकेज नको आहे, त्याला घामाचे दाम हवे आहेत. सर्वाधिक आत्महत्या या विदर्भात झाल्या आहेत. पॅकेज देऊन केवळ मलमपट्टी म्हणून शेतकर्‍यांच्या जखमांवर आणखी मीठ चोळू नका. तोंडाला पाने पुसू नका. कॉंग्रेसचे विजय वडेट्टीवार यांनी पॅकेजचे वर्णन ‘खोदा पहाड निकला चूहा’ अशा वाक्यात केले. यातून धान आणि सोयाबीन उत्पादकांना एक रुपया सुद्धा शेतकर्‍याच्या पदरात पडणार नाही. धानाची अट वगळा. कॉंग्रेसचे गोपालदास अग्रवाल यांनी, हे पॅकेज धान आणि सोयाबीन उत्पादकांचा अपेक्षाभंग करणारे असून २५ टक्क्यांची अट काढून टाकावी आणि मदतीत वाढ करावी अशी मागणी केली. कॉंग्रेसचेच नीलेश पारवेकर यांनीही ही अट काढून टाकावी अशी मागणी केली. सुभाष झनक यांनी सोयाबीनची अट काढून टाकण्याची मागणी केली. अशीच मागणी आशिष जैस्वाल, डॉ. अनिल बोंडे, संजय राठोड,

वीरेंद्र जगताप, सुभाष धोटे, खुशाल बोपचे, धैर्यशील पाटील अशा अनेक सदस्यांनी केली आणि भेदभाव न करता एकसारखी मदत द्यावी, अशी मागणी केली.

मुख्यमंत्री म्हणाले, तिन्ही पिकांना वेगवेगळी मदत देणे शक्य आहे का, याबाबत सकारात्मक निर्णय घेण्यात येईल. २५ टक्क्यांची जी अट घातली आहे, ती आकडेवारी प्राप्त झाल्यानंतर काढावी अथवा नाही, तेव्हा निर्णय होईल. दोन हेक्टरपेक्षा अधिक मदत देता येणार नाही, हे त्यांनी स्पष्ट केले. सर्वात ऐतिहासिक असे हे पॅकेज असल्याचे त्यांनी सांगितले. हे ऐकताच दोन्ही बाजूंचे सदस्य उभे झाले आणि अट काढून टाका अशा घोषणा देऊ लागले. विरोधकांनी सभात्याग करीत बाहेर जाताना आघाडी सरकारचा निषेध असो, शेतकरीविरोधी सरकारचा निषेध असो, अशा घोषणा दिल्या.

या पॅकेजमुळे ज्या उत्पादकांनी आपला धान आणि सोयाबीन किंवा कापूस खाजगी व्यापार्‍यांना विकला, त्यांनाही ही मदत मिळणार का, याबाबत शेवटपर्यंत अनिश्‍चितता कायमच होती.

 

2 comments:

  1. yeh Sarkar iss Package ke Madhaym say kissno ko kiya bhik dena chahti hai kiy ?

    Sarkar ko chahiye ke wo kissano ke mal ko kimat de.
    yeh namdhari madat say kisanno ka kiya bhala ho sakta hai........... iss ka jawad mai Mukhaymantriji say puchta hoo.
    Mukhaymantriji app iss ka jawab apne dil par hat rakh kar dijiye.
    Ek tarff to un ki hi wrong policy ke karan itni mahgai badd gaye
    Sarkar ne kabhi bhi kheti ko lagne wale saman Fartilizer ka price control karne ka to paryass kiya nahi kyu ?
    aur jab amm kisan ki batt atti hai to pakcage ke namm par kuch to de kar apni zimedari sarkar khatam kardeti hai
    kiya Sarkar ki yahi zimmedari hai ?
    Aur ek kissan ko averagly Rs. 8000 milte hai to kiya wo in Rs. 8000 may apna ghar sal bhar chala payega
    Sarkar apni nitiyoo may sudhar laye, agar wakai desh ka aur janta ka bhala karna chahti hai to phir app aisa movka hi kyu anne dete hoo ki app ko janta ki madat karne pade.
    Fartilizer ki kimatoo par sarkar direct control rakhe ta'ki anne wali upaz ki lagat kam ho aur to phir market price ka kisan par koi assar nahi hoga.
    And the second part of the coin is that in present condition the production cost of crop is more than the market value, and this situation is make the situation worst as well as some time nature is also playing game with the farmer. In all of a result the farmer is going down and down. When the farmer feel that the all the ways of fruitfulness is closed than a normal framer accepted the way of suicide.

    If government relay want to do something for the prosperity of farmer or AMM JANTA than it necessary to find out the reason of their downfall and do the needful action in their favor

    ReplyDelete
  2. Yeh Sarkar iss Package ke Madhaym say kissno ko kiya bhik dena chahti hai kiy ?

    Sarkar ko chahiye ke wo kissano ke mal ko kimat de.
    Yeh namdhari madat say kisanno ka kiya bhala ho sakta hai........... iss ka jawad mai Mukhaymantriji say puchta hoo.
    Mukhaymantriji app iss ka jawab apne dil par hat rakh kar dijiye.
    Ek tarff to app ki hi galat policy ke karan itni mahgai badd gaye hai.
    Aur dusri orr kheti ko lagne wale saman jaise ki Fartilizer etc. ka price control karne ka to paryass kiya nahi kyu ? Aur jo kiya bhi hai wo scientific nhai hai, yeh paryass kala bazari ko baddata hai.
    Aur jab amm kisan ki batt atti hai to pakcage ke namm par kuch de kar apni zimedari say sarkar Pala Zadd deti hai. kiya aisa karne say Sarkar ki Zimmedari khatam ho jati hai ?
    kiya Sarkar ki yahi zimmedari hai ?
    Aur ek kissan ko averagly Rs. 8000 (Maximum upto 2 hect.) milte hai to kiya wo in Rs. 8000 may apna ghar sal bhar chala payega.
    Cotton yeh Vidharb ki Fasal hai aur iss package ka jayda fayda Vidharbh ke kisanno ko to hoga nahi kyuki vidharbh may ek chote kisan ke pass bhi kam say kam 4 say 5 Hect Zamin hoti hai
    Iska matalb sarkar abhi bhi vidharbh ke nam say pashchim maharashtra ka hi bhala karne jarahi hai
    Sarkar ko Chahiye ki wo prant wise apni niti banye ka ki overall sab ka bhala ho na ki vidharb ke namm say kisi aur prant ka.
    Sarkar ko apni nitiyoo may sudhar laye, agar wakai desh ka aur janta ka bhala karna chahti hai to phir app aisa movka hi kyu anne dete hoo ki app ko janta ki madat karne pade.
    Fartilizer ki kimatoo par sarkar direct control rakhe ta'ki anne wali upaz ki lagat kam ho aur to phir market price ka kisan par koi assar nahi hoga.
    And the second part of the coin is that in present condition the production cost of crop is more than the market value, and this situation is make the situation worst as well as some time nature is also playing game with the farmer. In all of a result the farmer is going down and down. When the farmer feel that the all the ways of fruitfulness is closed than a normal framer accepted the way of suicide.

    If government realy want to do something for the prosperity of farmer or AMM JANTA than it necessary to find out the reason of their downfall and do the needful action in their favor

    ReplyDelete